АГП бачыць кандыдатам у прэзідэнты Лябедзьку

Пра гэта сведчаць вынікі анкетавання дэлегатаў апошняга партыйнага зьезду. Сярод шэрагу пытаньяў, на якія яны адказалі, была і прапанова назваць імя кандыдата ў прэзідэнты Беларусі ад дэмакратычных сілаў. Прычым кожны дэлегат мог напісаць у адказе імя любога палітыка.

Пасля апрацоўкі анкетаў стала бачнаю яўная перамога старшыні АГП Анатоля Лябедзькі. Яго падтрымалі больш дэлегатаў, чым усіх астатніх 15 палітыкаў разам узятых. У першую тройку таксама ўвайшлі Яраслаў Раманчук і Аляксандр Казулін.