Гомель. Антось Назаранка

26 красавіка ў Гомелі за распаўсюд улётак быў затрыманы маладафронтавец Антось Назаранка. Міліцыянты паводзілі сябе ветліва, але разам з улёткамі канфіскавалі падпісныя блянкі з подпісамі «За беларускую мову».

Антось расклейваў увечары улёткі зь інфармацыяй пра Малады Фронт ля прыпынкаў транспарту. Каля адзінаццатай гадзіны вечара яго затрымалі міліцыянты й адвялі ў пастарунак, дзе канфіскавалі блізу 80 інфармацыйных улётак і некалькі аркушоў з подпісамі ў падтрымку беларускай мовы.