Эканамічны суд СНД прыняў да разгляду іск Беларусі да Расіі па пошлінах на нафтапрадукты

Калегія Эканамічнага суда СНД 21 красавіка прыняла рашэнне прыняць да разгляду іскавую заяву ўрада Беларусі да ўрада Расіі аб парушэнні палажэнняў дзеючых дагавораў аб свабодным гандлі і Мытным саюзе ў рамках ЕўрАзЭС у сувязі з увядзеннем пошлінаў на нафтапрадукты, вывозімыя з тэрыторыі Расіі ў Беларусь, перадае карэспандэнт БЕЛТА.

У адпаведнасці з рэгламентам Эканамічны суд у тэрмін не пазней за 30 дзён павінен правесці распарадчае пасяджэнне, на якім будзе назначана дата судовага разгляду па іску. Эканамічны суд СНД выконвае функцыі эканамічнага суда ЕўрАзЭС, а з 1 ліпеня 2010 года павінен пачаць выконваць функцыі суда Мытнага саюза Беларусі, Казахстана і Расіі. Удзельнікамі Пагаднення аб статусе Эканамічнага суда СНД з'яўляюцца Беларусь, Казахстан, Кыргызстан, Таджыкістан, Расія і Узбекістан.