Аляксандр Лукашэнка перавыбраны прэзідэнтам Нацыянальнага алімпійскага камітэта
Прэзідэнт Беларусі Аляксандр Лукашэнка перавыбраны на чарговы тэрмін на пасаду прэзідэнта Нацыянальнага алімпійскага камітэта Беларусі. Такое рашэнне аднагалосна прынялі ўчора ўдзельнікі алімпійскага сходу ў Мінску, перадае карэспандэнт БЕЛТА.
Першым віцэ-прэзідэнтам НАК выбраны памочнік кіраўніка дзяржавы па пытаннях фізічнай культуры, спорту і развіцця турызму Ігар Заічкоў. Намеснікамі кіраўніка НАК сталі Генадзь Аляксеенка і Сяргей Цяцерын.
У склад выканкама НАК увайшлі Андрэй Асташэвіч, Юрый Бародзіч, Алег Качан, Эліна Зверава, Георгій Катулін, Мікалай Купцоў, Марына Лобач і Аляксей Мірашнічэнка.
Удзельнікі алімпійскага сходу выбралі ў ганаровыя члены Нацыянальнага алімпійскага камітэта вядомых у мінулым спартсменаў: фехтавальшчыкаў Алену Бялову і Мікалая Алёхіна, лёгкаатлетку Марыю Іткіну і штангіста Валерыя Шарыя.