Магілёўскі гарадскі ідэалагічны актыў зоймецца “ідэалагізацыяй” выбараў

Праўда “ідэалагізацыя” прыхавана словам “інфармацізацыя”.9 лютага для гарадскога ідэалагічнага актыва адбыўся семінар “Выбары як чыннік развіцця грамадзянскай супольнасці”. Гэты семінар паклаў пачатак праекту “Краіна напярэдадні выбараў”, які арганізаваны аддзеламі ідэалагічнай працы Магілёўскага гарвыканкама, гарадскога інфармацыйна-ідэалагічнага цэнтра і ГА “БРСМ”.  Праект распрацаваны з мэтай шырокага інфармавання насельніцтва аб ходзе выбарчай кампаніі, падвышэння  інфармацыйна-палітычнай і прававой культуры магілёўцаў.

Падчас рэалізацыі пректа плануецца правядзенне інфармацыйных гадзін, сустрэч з членамі выбарчых камісій, кандыдатамі ў дэпутаты, выкладчыкамі ВНУ. Таксама прадугледжана распрацоўка інфармацыйных матэрыялаў і памятак для выбаршчыкаў, арганізацыя інфармацыйных куткоў і выставаў.

У лютым-сакавіку гэтага года плануе правесці з мэтай “вывучэння выбарчай культуры і электаральных паводзінаў моладзі” анкетаванне “Я - выбаршчык”, а ГА “БРСМ” дасць старт маладзёжнама марафону “Тваё жыццё – твой выбар!”, які прысвечаны выбарам у мясцовыя Саветы дэпутатаў.

Марафон уключае наступныя мерапрыемствы:

1. "Я - выбар - будучыня" (правядзенне мерапрыемстваў, якія інфармуюць аб сацыяльна-эканамічным развіцці горада, вобласці, краіны, даляглядах развіцця Рэспублікі Беларусь);

2. "Мы выбіраем - мы жывем!" (вывучэнне правоў і абавязкаў маладых выбаршчыкаў пасродкам CMC-акцый, фэстаў вулічнай культуры, арганізацыі тэматычных пляцовак, віншаванняў маладых выбаршчыкаў, якія галасуюць упершыню);

3. "Што? Дзе? Калі? - Выбары! У нас! У красавіку!" (арганізацыя семінараў, віктарын, дэбатаў, навучалых гульняў па тэматыцы выбарчага права Рэспублікі Беларусь і яго гісторыі, сацыялагічных апытанняў "Што ты чакаеш ад дэпутата?" і інш.);

4. "Заканадаўчая ініцыятыва" (правядзенне конкурсаў на лепшую маладзёжную ініцыятыву па пытаннях удасканалення заканадаўства).