Завяршыўся двухдзённы афiцыйны вiзiт Прэзiдэнта Туркменiстана ў Беларусь

Завяршыўся афiцыйны вiзiт Прэзiдэнта Туркменiстана Гурбангулы Бердымухамедава ў Беларусь.

Прэзiдэнт Беларусi Аляксандр Лукашэнка прыбыў у Нацыянальны аэрапорт Мiнск разам з Гурбангулы Бердымухамедавым. У аэрапорце кiраўнiкам дзяржаў быў прадэманстраваны нiзкападлогавы аўтобус МАЗ. Пасля гэтага адбылася афiцыйная цырымонiя провадаў. Аляксандр Лукашэнка асабiста праводзiў свайго калегу на борт самалёта.

У другi дзень вiзiту ў Беларусь Прэзiдэнт Туркменiстана пабываў на беларускiх прадпрыемствах МАЗ, МЗКЦ, МТЗ, зрабiў аглядную экскурсiю па Нацыянальнай бiблiятэцы Беларусi.

Прэзiдэнт Туркменiстана Гурбангулы Бердымухамедаў у час наведвання беларускiх прадпрыемстваў МАЗ, МЗКЦ, МТЗ высока ацанiў тэхналагiчныя магчымасцi беларускай прамысловасцi. Аб гэтым паведамiў журналiстам вiцэ-прэм'ер Вiктар Бура.

Плануецца, што Туркменiстан закупiць каля 1,5 тыс. адзiнак грузавой аўтатэхнiкi МАЗа.

Паводле паведамленняў прэс-службы Прэзiдэнта Рэспублiкi Беларусь і БЕЛТА.

    Аляксандр Лукашэнка выказаў спачуваннi ў сувязi са смерцю народнага артыста Расii Леанiда Нячаева Прэзiдэнт Беларусi Аляксандр Лукашэнка выказаў глыбокiя спачуваннi ў сувязi са смерцю народнага артыста Расii Леанiда Нячаева яго родным i блiзкiм.

Прэс-служба Прэзiдэнта Рэспублiкi Беларусь.

  Прэзiдэнт Беларусi па просьбе губернатара Гродзенскай вобласцi вызвалiў яго ад пасады па стане здароўя

Старшыня Гродзенскага абласнога выканаўчага камiтэта Уладзiмiр Саўчанка падаў на iмя кiраўнiка дзяржавы заяву з просьбай вызвалiць яго ад займаемай пасады па стане здароўя з пераводам на другую работу з меншым аб'ёмам вырашаемых задач.

Прэзiдэнт Беларусi Аляксандр Лукашэнка задаволiў яго просьбу i падпiсаў адпаведны ўказ. Выкананне абавязкаў старшынi ўскладзена на першага намеснiка старшынi Гродзенскага аблвыканкама Івана Жука. Назначэнне новага кiраўнiка Гродзеншчыны будзе праведзена ва ўстаноўленым парадку ў найблiжэйшы час. Прэс-служба Прэзiдэнта Рэспублiкi Беларусь.