Беларусь разлiчвае на актыўны ўдзел расiйскiх банкаў у прасоўваннi беларускай тэхнiкi ў РФ

Беларусь разлiчвае на пашырэнне пералiку расiйскiх банкаў, якiя падтрымлiваюць пастаўкi беларускай тэхнiкi ў Расiю. Аб гэтым заявiў у Мiнску на пасяджэннi Савета дзелавога супрацоўнiцтва Беларусi i Санкт-Пецярбурга прэм'ер-мiнiстр Беларусi Сяргей Сiдорскi.

"Расiйскiя банкi, у прыватнасцi Маскоўскi iндустрыяльны банк, жадаюць працаваць па такiх схемах, i мы будзем гэта вiтаць", — падкрэслiў кiраўнiк беларускага ўрада.

Сяргей Сiдорскi нагадаў, што згодна з падпiсаным з Ашчадным банкам Расii пагадненнем беларускi бок узяў на сябе абавязацельствы па субсiдзiраваннi часткi працэнтных ставак па пастаўках расiйскiм спажыўцам беларускай тэхнiкi i абсталявання. "Гэты крок вельмi важны, ён пашырае доступ беларускай тэхнiкi на расiйскi рынак", — падкрэслiў ён. У прымяненнi такiх схем зацiкаўлены сёння i iншыя расiйскiя банкi. "Ёсць банкi, якiя абслугоўваюць расiйскiя рэгiёны, на iх i гэтыя схемы трэба звярнуць увагу", — сказаў прэм'ер-мiнiстр.

Ён адзначыў, што галоўнай задачай у адносiнах Беларусi i Санкт-Пецярбурга ў 2010 годзе павiнна стаць аднаўленне тавараабароту як мiнiмум да ўзроўню 2008 года. Пры гэтым беларускi бок гатовы нарошчваць аб'ёмы гандлю i развiваць цесныя кааперацыйныя сувязi з гэтым расiйскiм горадам. Прэм'ер-мiнiстр нагадаў, што з дня папярэдняга пасяджэння Савета дзелавога супрацоўнiцтва Беларусi i Санкт-Пецярбурга прайшло 10 месяцаў, тады адзначаўся рост тавараабароту да рэкорднага ўзроўню — больш за 50 млрд расiйскiх рублёў. Аднак у гэтым годзе гэты ўзровень захаваць не ўдалося, падзенне адбылося значнае, яно адпавядае ў цэлым падзенню тавараабароту памiж Беларуссю i Расiяй — 48 працэнтаў. У той жа час кiраўнiк урада Беларусi выказаў упэўненасць у стабiлiзацыi сiтуацыi, бо для гэтага ёсць усе ўмовы.

У якасцi станоўчага моманту ў развiццi кааперацыйных сувязяў памiж Беларуссю i Санкт-Пецярбургам Сяргей Сiдорскi назваў практычнае завяршэнне ў гэтым годзе стварэння ў горадзе на Няве сумесных вытворчасцяў лiфтаў, трактароў, тралейбусаў. Адным з найбольш перспектыўных праектаў, рэалiзацыя якога пачалася ўжо, стала стварэнне ў Санкт-Пецярбургу фiрменных прадуктовых магазiнаў "Беларускi гасцiнец". "Мы спадзяёмся, што гэта схема будзе i далей актыўна развiвацца", — сказаў Сяргей Сiдорскi. Усяго ў сетку фiрменных прадуктовых магазiнаў "Беларускi гасцiнец" у Санкт-Пецярбургу павiнна ўвайсцi 50 гандлёвых аб'ектаў.

Важным напрамкам узаемадзеяння Беларусi i Санкт-Пецярбурга з'яўляюцца пастаўкi беларускай сельгаспрадукцыi ў паўночную сталiцу Расii. "Лiчу, што план у гэтым напрамку рэалiзуецца паспяхова, ёсць усё, каб у 2010 годзе яшчэ прыбавiць", — сказаў ён.

Адной з перспектыўных сфераў партнёрства Беларусi i Расii з'яўляецца супрацоўнiцтва ў лiзiнгу. У Беларусi прынята рашэнне аб стварэннi Нацыянальнай лiзiнгавай кампанii, якая будзе садзейнiчаць прасоўванню беларускай прадукцыi на расiйскi рынак, у тым лiку ў Санкт-Пецярбург.

Тавараабарот Беларусi i Санкт-Пецярбурга ў студзенi—кастрычнiку 2009 года склаў $802,3 млн (4-е месца сярод рэгiёнаў Расii) i скарацiўся ў 1,8 раза ў параўнаннi з адпаведным перыядам 2008 года. Экспарт Беларусi склаў $465,9 млн (3-е месца) i зменшыўся — у 1,6 раза, iмпарт — $336,4 млн (5-е месца), знiзiўся ў 2,1 раза. Знешнегандлёвае сальда склалася дадатнае ў памеры $129,5 млн i павялiчылася ў параўнаннi з адпаведным перыядам 2008 года ў 3,2 раза.