Анатоль Лябедзька: На прэзідэнцкіх выбарах апазіцыі патрэбен кандыдат-лідэр

"Я не магу цяпер гаварыць пра аднаго ці адзінага кандыдата ад апазіцыі. Гэта ўжо амаль немагчыма", — падкрэсліў Лябедзька.

Паводле слоў палітыка, дэмакратычныя сілы "захавалі невялікі шанц" выбраць кандыдата-лідэра.

"Такі кандыдат можа з'явіцца праз правядзенне праймерыз. Апазіцыйныя лідэры, беручы ўдзел у іх, праз пошук падтрымкі ў насельніцтва маглі б даказаць сваё лідэрства. Правядзенне праймерыз дазваляе пашырыць рамкі сённяшняй электаральнай падтрымкі апазіцыі", — лічыць Лябедзька.

Ён падкрэсліў, што "калі прэтэндэнты на ролю апазіцыйнага лідэра ўжо цяпер у рамках правядзення праймерыз пачалі б шукаць падтрымку ў насельніцтва, то да выбараў краіна б заварушылася".