Аляксандр Лукашэнка пацвердзiў намер развiваць канструктыўнае супрацоўнiцтва з ЕС

Прэзiдэнт Беларусi Аляксандр Лукашэнка 21 лiстапада павiншаваў Хермана ван Рампея з выбраннем на пасаду прэзiдэнта Еўрапейскага саюза.

"Перакананы, што пад вашым кiраўнiцтвам Еўрапейскi савет будзе паспяхова вырашаць складаныя задачы, якiя стаяць перад Еўрасаюзам i яго краiнамi", — адзначыў кiраўнiк беларускай дзяржавы. Аляксандр Лукашэнка пацвердзiў глыбокую зацiкаўленасць у далейшым развiццi канструктыўнага i ўзаемавыгаднага супрацоўнiцтва памiж Беларуссю i Еўрапейскiм саюзам.