Аляксандр Лукашэнка прапанаваў Ільхаму Алiеву выходзiць на больш маштабныя сумесныя праекты

Аб гэтым кiраўнiк беларускай дзяржавы заявiў на сустрэчы ў пашыраным фармаце са сваiм азербайджанскiм калегам.

"На бягучым этапе стратэгiчная задача ў тым, каб i ў цяперашнiх няпростых умовах сусветнага фiнансава-эканамiчнага крызiсу, прымаючы часам нестандартныя рашэннi, выйсцi на больш маштабныя сумесныя праекты як у Азербайджане, так i ў Беларусi. Аснова для гэтага ўжо створана", — сказаў Аляксандр Лукашэнка.

Кiраўнiк беларускай дзяржавы падкрэслiў, што ў 2006 годзе была дасягнута дамоўленасць з Iльхамам Алiевым арганiзаваць у Азербайджане сумесную вытворчасць беларускай тэхнiкi. I сёння на базе Гянджынскага аўтазавода збiраюцца беларускiя трактары i МАЗы.

Аляксандр Лукашэнка лiчыць, што трэба iсцi далей — рэалiзаваць на практыцы iдэi па стварэннi ў Азербайджане сумесных вытворчасцяў аўтакранаў, лiфтавага абсталявання, навясной сельскагаспадарчай тэхнiкi.

Беларусь i Азербайджан маюць намер выходзiць з сумеснымi праектамi на рынкi трэцiх краiн, аб гэтым заявiў Прэзiдэнт Беларусi. Ён канстатаваў добрую рэзультатыўнасць гандлёва-эканамiчнага супрацоўнiцтва з Азербайджанам. За апошнiя некалькi гадоў краiны дасягнулi амаль 11-разовага росту аб'ёму ўзаемнага гандлю. Дзяржавы вызначылi тыя напрамкi, па якiх сёння актыўна супрацоўнiчаюць, ствараюць сумесныя прадпрыемствы, апрабоўваюць новыя рынкi. Прэзiдэнт Беларусi з задавальненнем адзначыў, што ўсе дамоўленасцi, якiя дасягаюцца на вышэйшым узроўнi, нязменна рэалiзуюцца.

У той жа час кiраўнiк беларускай дзяржавы лiчыць, што патэнцыял дзвюх краiн не да канца выкарыстаны. "Такiя краiны, як нашы, маглi б за 2-3 гады пераадолець ва ўзаемным гандлi адзнаку $500  млн", — сказаў Аляксандр Лукашэнка. Ён звярнуў увагу на той факт, што нават у крызiсны год Беларусь i Азербайджан дэманструюць добрую дынамiку гандлю i рост узаемнага тавараабароту.

Прэзiдэнт Беларусi запэўнiў азербайджанскi бок, што ўсе дамоўленасцi, якiя будуць дасягнуты сёння, беларускiм бокам будуць свята выконвацца.

Беларусь i Азербайджан рэалiзуюць усе дасягнутыя на вышэйшым узроўнi дамоўленасцi ў сцiслыя тэрмiны, якасна i эфектыўна, што павышае ўзровень узаемнага даверу памiж краiнамi i адкрывае новыя перспектывы супрацоўнiцтва. Гэта адзначыў Прэзiдэнт Азербайджана Iльхам Алiеў на сустрэчы ў вузкiм складзе з Прэзiдэнтам Беларусi Аляксандрам Лукашэнкам.

Азербайджанскi лiдар адзначыў, што рады зноў наведаць Беларусь з афiцыйным вiзiтам i прадоўжыць актыўны двухбаковы дыялог. На яго думку, беларуска-азербайджанскiя сувязi развiваюцца вельмi бурна, дынамiчна i эфектыўна.

Прэзiдэнт Азербайджана падкрэслiў важнасць таго, што дасягнутыя ў ходзе гэтых вiзiтаў дамоўленасцi эфектыўна рэалiзуюцца. Галоўнае — адказнасць у час ажыццяўлення прынятых рашэнняў. Ён таксама адзначыў, што беларуска-азербайджанскi ўзаемны тавараабарот, нягледзячы на крызiс, павялiчваецца, што з'яўляецца рэдкiм фактам у цяперашнiх умовах.

Iльхам Алiеў выказаў упэўненасць, што Беларусь i Азербайджан будуць актыўна прадаўжаць палiтычнае ўзаемадзеянне, працаваць над новымi эканамiчнымi праектамi. Ён адзначыў, што прыехаў у Мiнск з вялiкай дэлегацыяй, якая прадстаўляе ўсе сферы эканомiкi Азербайджана.

Азербайджанскi лiдар лiчыць, што па вынiках гэтага вiзiту абедзве краiны змогуць не толькi ўмацаваць партнёрства, але i выйсцi на новыя сферы супрацоўнiцтва. Ён таксама акцэнтаваў увагу на дынамiчным развiццi Беларусi i пазiтыўных зменах у аблiччы беларускай сталiцы.

Прэзiдэнты Беларусi i Азербайджана лiчаць рэальным дасягненне ў блiжэйшыя 3-4 гады тавараабароту $0,5 млрд.

Па вынiках мiнулага года беларуска-азербайджанскi тавараабарот дасягнуў больш як $111 млн.

Прэзiдэнт Беларусi Аляксандр Лукашэнка прапануе стварыць сумесныя беларуска-азербайджанскiя бiзнэс-цэнтры i Савет дзелавога супрацоўнiцтва.

Аляксандр Лукашэнка асаблiва адзначыў той факт, што цяпер вельмi рэзультатыўна працуе беларуска-азербайджанская мiжурадавая камiсiя па гандлёва-эканамiчным супрацоўнiцтве.

Прэзiдэнт Беларусi выказаў упэўненасць, што цяперашнi вiзiт Iльхама Алiева будзе такiм жа рэзультатыўным, як i папярэднi, i адкрые якасна новую старонку беларуска-азербайджанскiх адносiнаў.

Прэзiдэнт Азербайджана згадзiўся, што цяперашнi ўзровень гандлю не адпавядае iснуючаму патэнцыялу дзвюх краiн. Ён лiчыць рэальным дасягнуць у гандлi $500 млн, аднак гэта можа стаць толькi часовым рубяжом. У будучым, паводле слоў Iльхама Алiева, дзвюм дзяржавам пад сiлу выйсцi на $1  млрд.

Iльхам Алiеў выказаў задавальненне тым, як развiваюцца адносiны памiж дзвюма краiнамi, выконваюцца дамоўленасцi, рэалiзуюцца сумесныя праекты. У вынiку сённяшняй сустрэчы двух прэзiдэнтаў бакi дамовiлiся развiваць новыя напрамкi супрацоўнiцтва ў галiне сельскай гаспадаркi, машынабудавання, стварэння сумесных вытворчасцяў. У Беларусi i Азербайджана ёсць таксама добры патэнцыял для ўзаемадзеяння ў сферы iнвестыцый. Добрым фактарам для паспяховага супрацоўнiцтва з'яўляецца i тое, што эканомiкi дзвюх краiн не канкурыруюць, а падтрымлiваюць адна адну. Усё гэта, на думку Прэзiдэнта Азербайджана, добрая аснова для яшчэ большага нарошчвання тавараабароту.

Беларусь i Азербайджан дамовiлiся каардынаваць дзейнасць у рамках рэалiзацыi iнiцыятывы ЕС "Усходняе партнёрства". Такое рашэнне замацавана ў сумеснай дэкларацыi прэзiдэнтаў Беларусi i Азербайджана, якую яны падпiсалi ў Мiнску па вынiках перагавораў.

Бакi таксама будуць абменьвацца вопытам у сферы еўрапейскай iнтэграцыi.

Беларусь i Азербайджан выказалi гатоўнасць развiваць i паглыбляць супрацоўнiцтва ў галiне транзiтных i транспартных камунiкацый, ствараць i забяспечваць спрыяльныя ўмовы для ажыццяўлення транспартных аперацый праз паветраныя, марскiя i рачныя парты, чыгуначную i аўтамабiльную сеткi.

Бакi падкрэслiлi намер заахвочваць iнвестыцыйнае i iншае супрацоўнiцтва ў сферах энергетыкi, гандлю, цяжкай прамысловасцi, машынабудавання, сельскай гаспадаркi, транспарту i камунiкацый, а таксама ў iншых галiнах, якiя ўяўляюць узаемную цiкавасць.

Беларусь i Азербайджан прадоўжаць супрацоўнiцтва ў рамках ААН, а таксама розных мiжнародных i рэгiянальных арганiзацый, будуць нарошчваць супрацоўнiцтва ў палiтычнай, эканамiчнай, гуманiтарнай, ваенна-тэхнiчнай i iншых сферах.

Беларусь i Азербайджан падпiсалi пакет двухбаковых дакументаў. Iх падпiсанне адбылося ў Мiнску ў прысутнасцi прэзiдэнтаў дзвюх краiн пасля заканчэння iх перагавораў у пашыраным фармаце.

Заключана мiжурадавае пагадненне аб супрацоўнiцтве ў сферы маладзёжнай палiтыкi, падпiсаны пратакол рэалiзацыi пагаднення аб супрацоўнiцтве ў галiне адукацыi ў 2009-2010 гадах.

Акрамя таго, бакi падпiсалi пагадненнi аб узаемадзеяннi ў сферы нацыянальнай бяспекi, у галiне архiўнай справы, памiж пагранслужбамi.

Паводле паведамленняў прэс-службы Прэзiдэнта Рэспублiкi Беларусь i БЕЛТА.