Поздравление Президента с Днем белорусской письменности

Удзельнікам і гасцям урачыстасцей
Дня беларускага пісьменства

Паважаныя сябры!

Сардэчна віншую вас з Днём беларускага пісьменства.

Гэта святочная дата трывала ўвайшла ў наша жыццё, атрымала дзяржаўны статус і прызнанне народа, таму што плённа спрыяе духоўнаму, культурнаму, сацыяльнаму развіццю Беларусі. Нагадваючы пра годнае мінулае, дазваляе з надзеяй глядцзець у будучыню.

Невыпадкова сёлета эстафету ўрачыстасцей прымае заснаваны яшчэ напачатку XII стагоддзя Барысаў - адзін са старажытных культурных цэнтраў нашай краіны, горад, з якім звязаны многія значныя падзеі беларускай гісторыі.

Упэўнены, што Дзень беларускага пісьменства з'явіцца важнай падзеяй у культурным жыцці Беларусі, паспрыяе далейшай кансалідацыі насельніцтва рэспублікі на трывалым падмурку высокіх духоўных каштоўнасцей, закладзеным славутымі продкамі.

Шчыра жадаю ўсім арганізатарам, удзельнікам і гасцям свята моцнага здароўя, дабрабыту, шчасця, аптымізму і новых здзяйсненняў на карысць Радзімы.

Аляксандр Лукашэнка.