З мэтай правядзення прафілактычнай работы супрацоўнікі Нясвіжскага РАНС сумесна з іншымі суб’ектамі прафілактыкі штодня праводзяць рэйдавыя мерапрыемствы па папярэджанні выпальвання сухой расліннасці ў розных пунктах раёна.
Пры правядзенні рэйдавых мерапрыемстваў ратавальнікі нагадваюць жыхарам асноўныя правілы пры спальванні смецця на прысядзібных участках, прыводзяць прыклады, калі з-за прычыны неасцярожнага абыходжання з агнём адбываліся пажары, на якіх гінулі людзі.
— Калі вы вырашылі развесці вогнішча на ўласным участку, рабіце гэта толькі ў зацішнае надвор’е, адыдзіце на 10 метраў ад бліжэйшай пабудовы, на 20 метраў ад ляснога масіву і на 30 метраў ад месца захоўвання саломы або сена. Памятаеце, што пад рукой у вас павінен быць сродак тушэння — палівальны шланг, вядро з вадой ці пяском, вогнетушыцель. Пасля таго, як вогнішча дагарыць, прыміце меры па недапушчэнні яго паўторнага ўзгарання.
— Беражыце сябе і сваю маёмасць! — штораз папярэджваюць ратавальнікі. — Будзьце асцярожнымі — захавайце сваё жыццё!
«НН».