Анлайн-канцэрт: BAREZNBURGER KAPELYE жыўцом на Еўрарадыё а 19-й

19 чэрвеня на Еўрарадыё незвычайны анлайн-канцэрт. У нашай студыі зайграе BAREZNBURGER KAPELYE — квартэт, які выконвае традыцыйную габрэйскую музыку беларускіх вёсак і мястэчак. Мы перанясемся на сто гадоў таму, акунемся ў чароўны сусвет мясцінаў "за рысай аселасці" і пачуем мелодыі, запісаныя ад тутэйшых габрэйскіх музыкаў. Разабрацца ў "Музычнай археалогіі літвацкіх штэтлаў" дапаможа Сяргей Доўгушаў!

Стрым пачнецца а 19-й, далучайцеся!