Надвор'е на панядзелак 15 чэрвеня: навальніцы і да +29-ці

Пасля прахалодных выхадных у Беларусь вяртаецца спёка. У панядзелак 15 чэрвеня па тэрыторыі краіны чакаюцца дажджы, залевы і навальніцы. Будзе воблачна з праясненнямі, перадае БЕЛТА.  Вецер — умераны, пры навальніцах — парывісты. Уначы — ад 10 да 15 цяпла, удзень слупок тэрмометра будзе паказваць +19 +25, месцамі да 29-ці цяпла.

Па прагнозах сінопкаў, гарачае і дажджлівае надвор'е захаваецца цягам тыдня.