Да +34 будзе ў Беларусі 11 чэрвеня

У чацвер, 11 чэрвеня, у Беларусі чакаецца пераменная воблачнасць, паведамляе Белгідрамет. 

Уначы пераважна па захадзе краіны, а ўздень на большай частцы тэрыторыі пройдуць кароткачасовыя дажджы. У асобных раёнах прагрымяць навальніцы. Уначы і зранку месцамі будзе згушчацца слабы туман. Вецер чакаецца паўднёва-ўсходні ўмераны, пры навальніцах парывісты. 

Уначы прагназуецца 16-21 вышэй за нуль, удзень будзе +28...+34. Сіноптыкі абвясцілі аранжавы ўзровень небяспекі.