Раніцай 9 чэрвеня ліквідавалі пажар на МТЗ

Раніцай 9 чэрвеня ратавальнікі ліквідавалі пажар на Мінскім трактарным заводзе. На прадпрыемстве ў прэсавым цэху адбылося загаранне фарбавальнай камеры і даху будынка. Як паведамляе прэс-служба МНС, здарэнне адбылося пасля 9-й гадзіны. На месца прыбылі дзве аўтацыстэрны ратавальнікаў. Плошча ўзгарання складала каля 60 квадратных метраў. Ужо праз паўгадзіны яго ліквідавалі.

Ніхто з людзей не пацярпеў, а эвакуацыя не праводзілася. Спецыялісты высвятляюць, што ж магло стаць прычынай узгарання.