Дзіцячыя лагеры на працягу васямнаццаці дзён будуць працаваць на базе гарадскіх і сельскіх школ, у дзіцячых садках раёна. У адпаведнасці з патрабаваннямі Міністэрстваў аховы здароўя і адукацыі ў атрадах павінна быць не больш за 15 чалавек, усе культурна-масавыя і фізкультурна-аздараўленчыя мерапрыемствы – толькі на тэрыторыі лагера. Магчымасцю адпачыць у летніх аздараўленчых лагерах у першую змену скарыстаюцца 299 хлопчыкаў і дзяўчынак.
Пры жаданні бацькоў і дзяцей аддзел па адукацыі райвыканкама гатовы арганізаваць дадатковыя змены ў ліпені – жніўні. Кошт пуцёўкі – 108 рублёў для дзяцей 6 – 10 гадоў і 113 рублёў 80 капеек для тых, каму 11 – 13 гадоў. Бацькоўская даплата складае 23 рублі і 28 рублёў 80 капеек адпаведна.
(Visited 362 times, 362 visits today)