Моцны парывісты вецер і дождж чакаюцца 17 красавіка

У пятніцу, 17 красавіка, у Беларусі прагназуецца воблачнае з праясненнямі надвор'е, паведамляе Белгідрамет. 

Месцамі па краіне, а па Віцебскай і Магілёўскай абласцях на большай частцы тэрыторыі пройдуць кароткачасовыя ападкі — мокры снег і дождж. Вецер будзе паўночна-заходні, у многіх раёнах — моцны парывісты, да 15-20 метраў за секунду. 

Уначы прагназуюць -2...+4, удзень тэмпература павысіцца да 7-12 вышэй за нуль. Па паўднёвым захадзе чакаецца да 14 градусаў цяпла.