У Ружанскім раёне загінуў салдат

У Ружанскім раёне Брэстчыны 31 сакавіка загінуў шараговец В. Пінчук, паведамляе прэс-служба Міністэрства абароны ў сваім Telegram-канале. 

"31 сакавіка ў Ружанскім раёне Брэсцкай вобласці ў выніку парушэння патрабаванняў бяспекі шараговец атрымаў траўму несумяшчальную з жыццём", — гаворыцца ў паведамленні прэс-службы.

Салдат служыў з траўня 2019 года.

Па звестках блогера NEXTA, загінуламу салдату было 20 гадоў. Трагедыя адбылася падчас вучэнняў.

Высвятленнем прычынаў займаецца камісія Міністэрства абароны.