На мінскім паркінгу аўто прабіла сценку і звалілася на эскалатар

26 сакавіка ў 22:55 мінскім ратавальнікам затэлефанаваў ахоўнік гандлёва-забаўляльнага цэнтра "Арэна-сіці". Ён распавёў пра ДТЗ на паркінгу цэнтра.

Як паведамляе прэс-служба МНС, легкавік "Рэно Сафран", выязджаючы з парковачнага месца падземнай аўтастаянкі, урэзаўся ў цагляную перагародку, прабіў яе і зваліўся на эскалатар.

Пры здарэнні была пашкоджаная цагляная перагародка на плошчы 10 квадратных метраў, участак эскалатара, элементы падвеснай столі над ім на плошчы 20 квадратных метраў і элементы дэкаратыўнага аздаблення сцяны.

Пры здарэнні ніхто не пацярпеў. Ратавальнікам спатрэбілася больш за тры гадзіны, каб дастаць легкавы аўтамабіль.