5 і 6 сакавіка наш раён наведала рэйдавая група тэхнічнай інспекцыі працы Федэрацыі прафсаюзаў Беларусі

У мэтах ажыццяўлення кантролю за выкананнем заканадаўства аб ахове працы 5 і 6 сакавіка наш раён з рабочай паездкай наведала рэйдавая група тэхнічнай інспекцыі працы Федэрацыі прафсаюзаў Беларусі. У складзе групы былі галоўны тэхнічны інспектар Сяргей Серы — кіраўнік, галоўныя тэхнічныя інспектары Вольга Пазнякова, Алег Сіўчанка і тэхнічныя інспектары Ігар Касцюкевіч і Аляксей Шадрын.
У час працы інспектары наведалі прадпрыемствы, арганізацыі і ўстановы гарадскога пасёлка і раёна. Пры правядзенні кантролю асаблівая ўвага надавалася бяспецы эксплуатацыі тэхналагічнага абсталявання, прымяненню сродкаў індывідуальнай аховы, наяўнасці нарматыўна-прававых дакументаў па ахове працы, рабоце грамадскіх інспектараў па ахове працы.
6 сакавіка ў вялікай зале райвыканкама прайшоў вучоба-семінар па пытаннях аховы працы і тэхнікі бяспекі. На яго былі запрошаны старшыні прафсаюзных арганізацый прадпрыемстваў і ўстаноў, спецыялісты па ахове працы, і тэхнікі бяспекі раёна. У рабоце семінара прынялі ўдзел і выступілі члены рэйдавай групы тэхнічнай інспекцыі працы Федэрацыі прафсаюзаў Беларусі і старшыня раённага аб’яднання прафсаюзаў Ігар Малюгін. Прысутныя падчас семінара змаглі атрымаць грунтоўныя адказы на ўзнятыя пытанні, якія адносяцца да нарматыўна-прававых дакументаў у галіне аховы працы.
Сяргей РАЙЧОНАК.