Раніцай у Гомелі эвакуявалі людзей з будынка абласнога суда

Раніцай 12 сакавіка ў Гомелі эвакуявалі людзей з будынка абласнога суда, паведамляе БЕЛТА. Паведамленне пра закладзенае выбуховае прыстасаванне паступіла ў аператыўна-дзяжурную службу гомельскай міліцыі. На месца прыбылі міліцыянеры, ратавальнікі, медыкі. З будынка вывелі 27 чалавек. Яго і прылеглую тэрыторыю ачапілі, частку прылеглай вуліцы перакрылі супрацоўнікі ДАІ.

Сапёры праверылі ўсе памяшканні ў судзе, але выбуховага прыстасавання там не знайшлі. Цяпер суд ужо працуе. Міліцыя шукае тэлефоннага тэрарыста.