1 сакавіка ў Нясвіжы адбыўся “аЛАДНЫ фэст” з тэматычнай канцэртна-гульнёвай праграмай “Масленічныя забавы”, карагодамі пад выступленні лепшых творчых калектываў раёна “Нясвіжская талака”, фолк-дыскатэкай для ўсёй сям’і, конкурсам на лепшы касцюм сімвала Масленіцы Бліна, фуд-сталом ад аматарскага аб’яднання “Берагіня” раённага цэнтра народнай творчасці, святочным гандлем і традыцыйным спальваннем пудзіла Масленіцы.
Удзельніцы харэаграфічнага калектыву “D’ARTS”
РЦК (кіраўнік Ульяна Судзенка)
Прыз за лепшы касцюм сімвала Масленіцы Бліна прадстаўніцы Карцэвіцкага СДК уручыла Вясна
Свята Масленіцы завяршылася спальваннем пудзіла
Масленічны карагод
Выступленне артыстаў
Затур’янскага і Юшавіцкага СДК
На свяце таксама адбылася дабрачынная латарэя па зборы сродкаў на лячэнне маленькай Сафіі з г. Ляхавічы. Арыгінальныя лоты прадставілі таленавітыя майстры Нясвіжчыны.
Вольга МАРЧАНКА.