Насельніцтва Беларусі складае крыху больш за 9,4 млн чалавек. Такія першыя даныя праведзенага ў мінулым годзе перапісу агучыла сёння журналістам старшыня Нацыянальнага статыстычнага камітэта Іна Мядзведзева.
Колькасць насельніцтва Беларусі паводле даных перапісу — 9 413 446 чалавек.
Перапіс паказаў прырост толькі ў Мінску і Мінскай вобласці. Дарэчы, сталіца стала ўжо горадам-двухмільённікам: у Мінску, згодна з перапісам, пражываюць больш за 2018 тыс. чалавек. Далей па колькасці ідзе сталічны рэгіён — больш за 1471 тыс., Гомельская вобласць — больш за 1388,5 тыс., Брэсцкая — больш за 1348 тыс., Віцебская — больш за 1135,7 тыс., Гродзенская — больш за 1026,8 тыс. Самая нешматлікая — Магілёўская вобласць з 1024,7 тыс. жыхароў.
БелТА.