У Віцебску амапаўцы затрымалі расіяніна з пісталетам "ТТ"

У Віцебску міліцыянеры пры падтрымцы амапаўцаў затрымалі расіяніна з пісталетам "ТТ", паведамляе ў Telegram прэс-служба МУС. Па звестках сілавікоў, 51-гадовы мужчына планаваў выкарыстаць зброю "для здзяйснення злачынстваў". Раней ён неаднаразова быў асуджаны за цяжкія і асабліва цяжкія злачынствы. Распачатая крымінальная справа.

Пісталет канструкцыі Токарава "ТТ" калібра 7.62 мм быў выпушчаны ў 1934 годзе. Грамадзянін Расіі купіў яго незаконна і захоўваў у сябе.