У Іўеўскім дзяржаўным сельскагаспадарчым прафесійным ліцэі з 17 па 21 лютага праходзіць Тыдзень роднай мовы. Арганізатары мерапрыемстваў з нагоды Дня роднай мовы, які адзначаецца 21 лютага, заклікаюць навучэнцаў і выкладчыкаў установы адукацыі гаварыць выключна на беларускай мове. Для таго, каб гаворка ішла шпарчэй, можна папярэдне падрыхтавацца, наведаўшы бібліятэку ліцэя, дзе падрыхтаваны выстава літаратуры пад назвай “Я люблю беларускую мову”.
Нагадаем, што Міжнародны дзень роднай мовы быў абвешчаны ЮНЭСКА ў лістападзе 1999 году дзеля захавання і развіцця моваў малых нацыяў і народнасцяў, якія знаходзяцца пад пагрозай знікнення.
І. МІХАЙЛАВА.