Прэзідэнт Беларусі Аляксандр Лукашэнка ў час рабочай паездкі наведаў Добрушскі фарфоравы завод.
Першапачаткова планавалася, што кіраўнік дзяржавы пабывае толькі на папяровай фабрыцы, але ён вырашыў азнаёміцца і са станам спраў на фарфоравым заводзе. Аляксандр Лукашэнка наведаў галоўную вытворчую пляцоўку, дзе яму расказалі пра віды выпускаемай прадукцыі і тэхналагічных працэсах.
“Трэба яго захаваць і своечасова падставіць плячо: калі канчаткова даб’ём, патрэбны будуць велізарныя грошы, каб яго падняць”, — сказаў Аляксандр Лукашэнка.
Прэзідэнт упэўнены, што прадукцыя гэтага прадпрыемства будзе запатрабавана заўсёды, таму важна, каб добрушская вытворчасць не страціла рынкі.
Як расказаў журналістам гендырэктар завода Аляксандр Вінакураў, на прадпрыемстве працуюць больш за тысячу чалавек, сярэдняя зарплата Br725. Больш як 75 працэнтаў прадукцыі ідзе на экспарт, прычым амаль уся — у Расію. Нешта пастаўляецца ва Украіну і Казахстан, іншыя краіны. “Калі мы, напрыклад, уступім у СГА, то знімецца пошліна ў памеры 13 працэнтаў на нашу прадукцыю на еўрапейскім рынку і мы станем больш канкурэнтаздольнымі”, — адзначыў кіраўнік завода.
Паводле яго слоў, прадпрыемства заўсёды знаходзіцца ў стадыі перааснашчэння і пошуку новых тэхналогій, аднак мадэрнізацыя сур’ёзна ўплывае на рэнтабельнасць. Напрыклад, у мінулым годзе завод спрацаваў у мінус з-за маштабнай закупкі абсталявання. “Улічваючы, што ўсё абсталяванне еўрапейскае, бяруцца еўракрэдыты. У канцы года скачок курсаў нас крыху калыхнуў, але сальда і прыбытак ад рэалізацыі ў нас заўсёды дадатныя”, — звярнуў увагу Аляксандр Вінакураў.
БелТА.