На мінскай ЦЭЦ-2 разбілі манометр — сабралі 4 кг іртуці

4 лютага ў 14:15 мінскія ратавальнікі атрымалі выклік на сталічную ЦЭЦ-2, паведамляе прэс-служба МНС. 

Начальнік ЦЭЦ паведаміў, што пры дэмантажных работах разлілася ртуць. Высветлілася, што ў галоўным корпусе турбіннага аддзялення з дыферэнцыяльнага ртутнага манометра выцекла ртуць. Пацярпелых пры здарэнні не было, эвакуацыя рабочых не праводзілася.

Работнікі МНС сабралі 4 кг іртуці, а яшчэ 3 кг заставаліся ў дэмантаваным прыборы. 

Праверка ртутным аналізатарам не выявіла перавышэння нормы пароў іртуці ў паветры.