У Расіі памёр протаіерэй Усевалад Чаплін
Reuters
У Маскве раптоўна памёр протаіерэй Усевалад Чаплін. Святару быў 51 год.
Як паведамляе "Новая газета", Усеваладу Чапліну днём 26 студзеня стала дрэнна, калі ён сядзеў на лавачцы ля храма святога Феадора Студыта ў Нікіцкіх варот, настаяцелем якога з'яўляўся. Хуткая дапамога прыехала праз 15 хвілін, але лекары толькі канстатавалі смерць.
Напярэдадні Новага 2016 года скандальнага святара Чапліна выключылі са складу Міжсаборнай прысутнасці за рэзкую нязгоду з пазіцыяй патрыярха РПЦ па Украіне. Канфлікт дасягнуў такіх маштабаў, што патрыярх не толькі звольніў протаіерэя, але і распусціў узначалены ім Сінадальны аддзел.
Усевалад Чаплін, які меў рэпутацыю "апостала вайны", заклікаў да адкрытай падтрымкі з боку РПЦ "апалчэння Данбаса" і ці ледзь не да надання анафеме "кіеўскай хунты". Патрыярх жа Кірыл, баючыся страціць 14 тысяч парафій Маскоўскага патрыярхату на Украіне, што складае амаль палову ўсёй РПЦ, спрабаваў весці больш збалансаваную гульню.
Пасля звальнення Усевалад Чаплін вырашыў змагацца з ерасямі і маральным разлажэннем духавенства, для чаго ўзначаліў Царкоўна-грамадскую камісію па даследаванні парушэнняў святых канонаў і царкоўнага статута.