У Лідскім раёне шукаюць 24-гадовага мужчыну, які заблукаў у лесе

У Лідскім раёне шукаюць 24-гадовага Эдуарда Міхаловіча. Ён пайшоў з вёскі Сцеркава ў суседнюю вёску Татарцы да сябра. Позна ўвечары 17 студзеня вяртаўся дахаты. Як інфармуе прэс-служба МУС, Міхаловіч патэлефанаваў сваёй дзяўчыне і сказаў, што заблукаў у лесе і не можа знайсці дарогу ў вёску. Пасля гэтага перастаў выходзіць на сувязь. Вядома, што ён з'яўляецца інвалідам другой групы.

Пошукамі вяскоўца займаюцца і міліцыянеры, і валанцёры.