Да 75-годдзя Вялікай Перамогі ў Нясвіжскім гісторыка-краязнаўчым музеі распрацаваны інтэрактыўны ўрок для школьнікаў “Лісты з фронту”, падчас якога вучні могуць пазнаёміцца з гісторыяй франтавога ліста, асабіста паўдзельнічаць ў яго стварэнні, напісаць віншаванне ветэранам.
Цікавай для юнага пакалення таксама будзе музейная экспазіцыя “Вайна. Трагедыя. Подзвіг”. Яна асвятляе ваенныя канфлікты ХХ стагоддзя, якія закранулі Нясвіжчыну: Першую Сусветную вайну, Другую Сусветную, у тым ліку Вялікую Айчынную вайну, вайну ў Афганістане. У экспазіцыю ўваходзяць фотаматэрыялы аб удзельніках першай і Другой Сусветных войнаў, партызанскага руху, вызваліцеляў раёна, асабістыя рэчы франтавікоў, нямецкага салдата, лісты з фронту, узнагароды, матэрыялы аб воінах-афганцах, ваенная амуніцыя.
“НН”.