У Пружанах аматары феерверкаў "расстралялі" аўтастаянку (відэа)

У Пружанах аўтамабільная паркоўка ледзь не згарэла ад феерверкаў. Відэаролік здарэння трапіў камеру відэаназірання, адкуль яго злілі ў сацсетку "Вконтакте". 

Здарэнне адбылося на вуліцы Інтэрнацыянальнай. Маладыя людзі, як бачна на запісе, усталявалі феерверк проста на паркоўцы. Падобна, што феерверкавую ўстаноўку кепска замацавалі, таму пасля першага залпу яна павалілася. Пасля гэтага зарады паляцелі ў машыны, якія стаялі на паркоўцы.