У Брэсце легкавік спыніўся, каб прапусціць машыну МНС, і што з гэтага выйшла

У Брэсце на адным са скрыжаванняў адбылося незвычайнае ДТЗ, якое трапіла на відэа. Легкавік спыніўся, каб прапусціць машыну МНС. Аўтамабіль, які ехаў ззаду, не паспеў затармазіць, адбылося сутыкненне, і першы легкавік ад удару выехаў на скрыжаванне, якраз перад спецмашынай. Ратавальнікі аб'ехалі перашкоду і паехалі на выклік. А на месца здарэння прыехалі супрацоўнікі ДАІ.