У Бараўлянах пад Мінскам на пажары пацярпелі трое дзяцей

У Бараўлянах пад Мінскам на пажары пацярпелі трое дзяцей. Як інфармуе minobl.mchs.gov.by, у сераду пасля 22-й гадзіны ўзгаранне ўзнікла ў кватэры на трэцім паверсе 9-павярховага жылога дома. Калі на месца прыбылі супрацоўнікі МНС, кватэра гарэла. З яе выратавалі шэсць чалавек, у тым ліку траіх дзяцей. Дзяцей завезлі ў бальніцу.

Фотаздымкі з месца падзей з'явіліся ў сацсетках. На месца прыязджалі 5 машын ратавальнікаў і 2 хуткія.

Прычына ўзнікнення пажару ў Бараўлянах высвятляецца.