Плюсавая тэмпература чакаецца ў Беларусі 12 снежня

12 снежня ў  Беларусі будзе пераважна хмарнае надвор'е, паведамляе Белгідрамет. 

Кароткачасовыя ападкі ў выглядзе дажджу і мокрага снегу пройдуць пераважна па захадзе краіны. Уначы і зранку месцамі прагназуюцца слабыя туман і галалёд. Вецер будзе паўднёва-ўсходні, паўднёвы ўмераны, удзень парывісты. 

Уначы тэмпература паветра будзе -4...+2, удзень пацяплее да 1-6 вышэй за нуль.