На выходных прагназуецца дождж і мокры снег, але толькі месцамі
БЕЛТА
У суботу, 7 снежня, у Беларусі чакаецца воблачнае з праясненнямі надвор'е, паведамляе Белгідрамет.
Уначы па Віцебскай вобласці, а ўдзень па паўночна-заходняй частцы краіны пройдуць дождж і мокры снег. Уначы месцамі па поўначы прагназуецца слабы галалёд, на асобных участках дарог — галалёдзіца. Вецер будзе паўднёва-заходні ўмераны.
Уначы тэрмометры пакажуць -5...+1. Удзень чакаецца ад 1 градуса марозу да 5 цяпла.
8 снежня будзе воблачна з праясненнямі. Уначы ў многіх раёнах, а ўдзень месцамі прагназуюцца невялікія кароткачасовыя ападкі — мокры снег і дождж. Уначы і зранку месцамі чакаецца слабы галалёд, на дарогах галалёдзіца. Вецер будзе заходні, паўднёва-заходні парывісты.
Тэмпература паветра ўначы будзе -3...+3. Удзень прагназуецца ад нуля да 6 градусаў цяпла.