У сераду чакаюцца туманы і да +7

У сераду, 20 лістапада, прагназуецца воблачнае з праясненнямі надвор'е, паведамляе Белгідрамет. 

Істотных ападкаў не чакаецца, толькі ўначы і зранку месцамі па ўсходзе краіны пройдуць невялікія дажджы. Уначы і зранку ў асобных раёнах прайгназуецца туман. Вецер будзе паўднёва-ўсходні ўмераны, днём парывісты. 

Тэмпература паветра на працягу сутак будзе +1...+7. Уначы пры праясненнях прагназуецца ад нуля да 2 градусаў марозу. Удзень па Брэстчыне паветра прагрэецца да 8-10 вышэй за нуль.