У суботу чакаюцца дажджы і да +15

Воблачнае надвор'е прагназуецца ў суботу, па паўднёвым захадзе — з праясненнямі, паведамляе Белгідрамет.

На большай частцы тэрыторыі краіны пройдуць дажджы. Месцамі магчымы туман. Вецер будзе паўднёва-заходні, паўднёвы ўмераны, па ўсходзе парывісты.

Уначы тэрмометры пакажуць 3-9 са знакам "плюс". Удзень паветра прагрэецца да +7...+13, па паўднёвым захадзе чакаецца да 15 цяпла.