У сераду ў Беларусі чакаюцца моцныя дажджы

У сераду, 6 лістапада, у Беларусі чакаецца воблачнае надвор'е, паведамляе Белгідрамет. 

На большай частцы тэрыторыі пройдуць дажджы, зранку і ўдзень месцамі прагназуюцца моцныя дажджы. Уначы і зранку ў асобных раёнах будзе туман. Вецер уначы будзе паўднёва-заходні, удзень пераменных напрамкаў ўмераны. 

Уначы тэрмометры пакажуць 4-10 вышэй за нуль, па паўднёвым усходзе — да 12 градусаў цяпла. Удзень прагназуецца ад +7 па паўночным захадзе да +15 па паўднёвым усходзе краіны.