Пад Смаленскам мікрааўтобус трапіў пад фуру, загінулі тры беларусы
31.10.2019 11:29
—
Разное
На месцы аварыі / Фота смаленскай паліцыі
Пад Смаленскам мікрааўтобус Volkswagen трапіў пад фуру DAF, загінулі тры беларусы, адзін пацярпеў. Як паведамляе ў Twitter прэс-служба пасольства Беларусі ў Расіі, трагічнае здарэнне адбылося раніцай 31 кастрычніка на 441-м кіламетры трасы М-1 каля вёскі Бадуны ў Красненскім раёне.
"Пасольства прадпрымае меры па інфармаванні сваякоў загінулых і пацярпелых", — пішуць дыпламаты.
Як інфармуе smolensk-i.ru, мяркуецца, што кіроўца мікрааўтобуса не ўтрымліваў бяспечную дыстанцыю з грузавіком, які ехаў наперадзе. На месцы трагедыі працуюць следчыя і эксперты.