У бліжэйшы час на тэрыторыі раёна будзе панаваць сапраўднае восеньскае надвор’е, якое часам будзе нагадваць хуткі надыход зімы. Ёсць верогаднасць снегу, чакаецца туман і дождж.
Сёння, 31 кастрычніка, раніцай сіноптыкі перадаюць туман т дрэнную бачнасць на дарозе. Будзьце пільнымі! У другой палове дня чакаюцца ападкі ў выглядзе снегу. Удзень усяго 1…3 градусы вышэй за нуль. Вецер пераменных напрамкаў, да 6 метраў за секунду. Уначы — каля 1 градуса цяпла.
1 лістапада, будзе пахмурна з праясненнямі і без ападкаў. Дзённая тэмпература — +3…+5 °С. Заходні вецер — 4 — 6 м/с. Ноччу — 0…+1 °С.
Субота чакаецца воблачная, без праясненняў, вечарам — дождж. Вецер — паўднёвы — 7 — 9 м/с, парывы — да 15. Удзень — +4…+6 °С, уначы — +4…+5 °С.
У нядзелю на працягу дня спецыялісты абяцаюць дождж і суцэльную воблачнасць. Вецер — паўднёва-заходні — 6 — 8 м/с, парывы — да 12. Удзень паветра прагрэецца да +8…+10 °С, уначы — +9 °С.
Панядзелак, 4 лістапада, таксама чакаецца дажджлівым і пахмурным. Вецер захавае паказчыкі папярэдняга дня. Будзе крыху цяплей: удзень — 11…12 градусаў са знакам “+”, ноччу — +9…+10 °С.
“НН”.