МНС: Прычына загарання ў "Кароне" — печка ў хлебабулачным цэху

Загаранне ў гандлёвым цэнтры "Карона" на вуліцы Кальварыйскай у сталіцы было ліквідаванае ў 20:40. Яго прычынай стала печка ў хлебабулачным цэху. Пра гэта ў Твітары паведаміла прэс-служба ўпраўлення МНС па Мінску. 

Пацярпелых пры здарэнні няма. 

Як паведамляла Еўрарадыё, пажар у ГЦ "Карона" адбыўся ўвечары 25 кастрычніка. Кліентаў і супрацоўнікаў гандлёвага цэнтру эвакуявалі на вуліцу. На дахам будынка быў бачны моцны дым.