Пры пажары на "Белшыне" пацярпеў чалавек

Пажар адбыўся 25 кастрычніка на прадпрыемстве "Белшына" ў Бабруйску, паведамляе прэс-служба МНС.

Паведамленне пра пажар ратавальнікі атрымалі ў 15:26. Агонь узнік у падрыхтоўчым цэху завода звышбуйнагабарытных шын. 

Паводле папярэдняй інфармацыі, пры загаранні гумазмешвальніку атрымаў апёкі адзін з работнікаў прадпрыемства. 

Адміністрацыя эвакуявала рабочых. Ратавальнікі ліквідавалі гарэнне транспарцёрнай стужкі і серы ўнутры гумазмешвальніка. 

Прычына здарэння высвятляецца.