У пятніцу па Брэстчыне будзе да +22

У пятніцу, 25 кастрычніка, у Беларусі чакаецца воблачнае з праясненнямі надвор'е, паведамляе Белгідрамет. 

Істотных ападкаў не прагназуецца. Уначы і зранку месцамі чакаецца туман. Вецер будзе паўднёвы, паўднёва-ўсходні — ноччу слабы, днём умераны.

Уначы тэрмометры пакажуць 2-8 са знакам "плюс", у асобных раёнах будзе 9-11 цяпла. Удзень паветра прагрэецца да 12-18 вышэй за нуль, па паўднёвым захадзе краіны прагназуюць +19...+22.