Асіповічы: хроніка здарэнняў

Супрацоўнікамі АДАІ РАУС папярэджана 78 парушэнняў правілаў дарожнага руху. Прыцягнуты да адказнасці нецвярозы вадзіцель, 15 пешаходаў і веласі-педыстаў, 8 “бяспраўнікаў”, 9 аўтамабілістаў, якія парушылі правілы перавозкі пасажыраў, 1 — абгону і 2 — што пакінулі месца здарэння. Зарэгістравана 8 ДТЗ з механічнымі пашкоджаннямі.  19 чысла шпіталізаваны пешаход, які пацярпеў у здарэнні на вул. Юбілейнай. Па факце ўзбу-джана крымінальная справа.

Увага! Па 27 кастрычніка — прафмерапрыемствы па папярэджанні ДТЗ з удзелам       п’яных вадзіцеляў і спыненні фактаў знаходжання за рулём асоб без праў; 25 чысла — адзіны дзень бяспекі дарожнага руху “Вадзіцель і пешаход, паважайце пешаходны пераход!”.

Дэпартаментам аховы да адміністрацыйнай адказнасці прыцягнута 10 чалавек, якія з’яўляліся ў нецвярозым выглядзе ў грамадскіх месцах, па 7 — парушылі ПДР ці ўчынілі дробныя крадзяжы, 1 — што парушыў антыалкагольнае заканадаўства.

Па даных РАНС, 14 чысла ў в. Вялікі Бор агнём знішчана 1,5 т сена, пашкоджаны навес і шыферная агароджа прыватнага хлява. Праз 2 дні ў райцэнтры пры пажары кватэры па вул. Гогаля загінуў гаспадар 1955 г.н.

Як паведамілі ў ІАЖіРС, на мінулым тыдні ўзбуджана крымінальная справа па факце незаконнай здабычы рыбы; за парушэнне правілаў рыбалоўства складзены адміністрацыйны пратакол.