Региональные этапы конкурса «Мисс Беларусь-2020″ скоро пройдут в городах и райцентрах Витебщины

Рэгіянальныя этапы Нацыянальнага конкурсу “Міс Беларусь-2020” у хуткім часе пройдуць у гарадах і райцэнтрах Віцебшчыны. Ва Ушачах прыгажунь будуць чакаць у цэнтры культуры і народнай творчасці 29 лістапада ў 11 гадзін. Прэтэндэнткі на карону ва ўзросце ад 18 да 24 гадоў і ростам не ніжэй 174 см павінны мець грамадзянства Рэспублікі Беларусь і пастаянна пражываць на яе тэрыторыі (незалежна ад месца вучобы, працы), ніколі не быць у шлюбе, не мець дзяцей, татуіровак і пірсінгу на целе.

Абласны этап конкурсу запланаваны на 7 лютага 2020 года, паўфінал – на 21 сакавіка, а фінал, які пройдзе ў сталічным Палацы спорту, – на 15 мая. Пераможца акрамя кароны і права прадстаўляць Беларусь на міжнародных конкурсах прыгажосці атрымае буйны грашовы прыз.

Конкурс “Міс Беларусь” раз у два гады праводзяць тэлеканал АНТ, Міністэрства культуры і Нацыянальная школа прыгажосці.