У мінскі гандлёвы цэнтр "Galileo" прыехалі ратавальнікі

Раніцай 21 кастрычніка ў мінскі гандлёва-забаўляльны цэнтр "Galileo" прыехалі ратавальнікі. Каля будынка знаходзяцца некалькі спецаўтамабіляў. Пакуль невядома, з чым гэта звязана.

Сёлета некалькі разоў былі паведамленні пра выбуховыя прыстасаванні ў сталічных гандлёвых цэнтрах, а сярод іх і "Galileo" (напрыклад, у сакавіку і жніўні). Аднак нічога небяспечнага знойдзена не было.