На БМЗ 19-гадовага стажора прыціснула сталявозам

Цяжкую траўму атрымаў 19-гадовы хлопец-стажор на Беларускім металургічным заводзе ў Жлобіне. Пра гэта напісаў у сваім Telegram-канале блогер NEXTA.

Журналістам парталу TUT.by на прадпрыемстве пацвердзілі гэтыя звесткі. 

"Трагедыя адбылася ў ноч з 8 на 9 кастрычніка. 19-гадовы падручны сталявара праходзіў на заводзе стажыроўку. Пры перамяшчэнні сталявоза атрымаў траўму. Яго даставілі ў лякарню. Праводзіцца расследаванне няшчаснага выпадку ў вызначаным заканадаўствам парадку", — заявілі на БМЗ.

Стан хлопца характарызуецца як цяжкі. У яго траўма грудной клеткі.