На станцыі метро "Пралетарская" жанчына скокнула пад цягнік

На другой ліні метро зранку 8 кастрычніка адбылося надзвычайнае здарэнне. Як паведамляе прэс-служба Мінскага метрапалітэна, на станцыі "Пралетарская" жанчына скокнула пад цягнік.

Гэта адбылося ў 7:09. Як удакладняе прэс-служба Следчага камітэта, 54-гадовая жанчына скокнула на рэйкі непасрэдна перад цягніком, які прыбываў на станцыю. Яна загінула на месцы.

З-пад цягніка яе дасталі ў 7:28. 

На другой лініі метро былі перабоі з рухам цягнікоў. Адноўлены рух быў толькі ў 7:33. 

Следчы камітэт высвятляе ўсе акалічнасці здарэння.