Да +15 будзе ў Беларусі 4 кастрычніка

4 кастрычніка ў Беларусі чакаецца воблачнае з праясненнямі надвор'е, паведамляе Белгідрамет. 

Уначы па ўсходзе, а ўдзень пераважна па паўночным захадзе краіны пройдуць кароткачасовыя дажджы. Уначы і зранку ў асобных раёнах прагназуецца туман. Вецер будзе заходні ўмераны. 

Уначы тэрмометры пакажуць 3-9 цяпла, удзень чакаецца +9...+15. 

На выходных істотна пахаладае, бо да нас прыйдуць халодныя няўстойлівыя паветраныя масы са Скандынаўскага паўвострава.